Ирем ике бала белән акчасыз калдырып киткәч, кайнана: “Алиментка өмет итмә…”
Гөлназ белән узган ел спорт мәктәбендә таныштык. Балаларны бер каратэ түгәрәгенә йөрттек. Җәйге каникулдан соң Гөлназ да, аның улы Данияр да күренмәгәч, “ватсап” аша танышыма хәбәр салдым. Озак та үтми җавап килеп төште. “Без хәзер Казанда яшәмибез, авылга күченеп киттек”, – дигән Гөлназ. Каратэга түләргә түгел, яшәргә дә акча калмады, дип тә өстәгән ул.
